کسی برگد کا سر راہ نہ احسان لیا

کسی برگد کا سر راہ نہ احسان لیا

اپنا سایہ تھا کڑی دھوپ میں خود تان لیا

بھیس بدلے تو بہت ہم نے ہوا کے ڈر سے

سنگ و دیوار نے ہر شہر میں پہچان لیا

لوگ خوابوں کے دریچوں میں چھپے بیٹھے ہیں

حاکم شہر نے ہر شخص کا ایمان لیا

نقد جاں کفر کی بستی میں چھپایا تو بہت

سنگ ساروں نے مگر دور سے پہچان لیا

سر میں سودا تھا نگاہوں کا سفر لمبا تھا

ہم نے اک شخص کو گھبرا کے خدا مان لیا

جو بھی سایہ ملا ہم چل پڑے پیچھے پیچھے

راستہ عشق میں ہم نے بہت آسان لیا

کوئی چہرے سے رقیبوں کے نہ سرکائے نقاب

بے وفا کون ہے کتنا ہے بہت جان لیا

kisi bargad ka sar-e-rah na ehsan liya

apna saya tha kari dhup mein khud tan liya

bhes badle to bahut ham ne hawa ke dar se

sang-o-diwar ne har shahr mein pahchan liya

log khwabon ke darichon mein chhupe baithe hain

hakim-e-shahr ne har shakhs ka iman liya

naqd-e-jan kufr ki basti mein chhupaya to bahut

sang saron ne magar dur se pahchan liya

sar mein sauda tha nigahon ka safar lamba tha

ham ne ik shakhs ko ghabra ke khuda man liya

jo bhi saya mila ham chal pare pichhe pichhe

rasta ishq mein ham ne bahut asan liya

koi chehre se raqibon ke na sarkae naqab

be wafa kaun hai kitna hai bahut jan liya