جانے کیا سوچ کے ہم تجھ سے وفا کرتے ہیں

جانے کیا سوچ کے ہم تجھ سے وفا کرتے ہیں

قرض ہے پچھلے جنم کا سو ادا کرتے ہیں

کیا ہوا جام اٹھاتے ہی بھر آئیں آنکھیں

ایسے طوفان تو ہر شام اٹھا کرتے ہیں

دل کے زخموں پہ نہ جاؤ کہ بڑی مدت سے

یہ دیے یوں ہی سر شام جلا کرتے ہیں

کون ہے جس کا مقدر نہ بنی تنہائی

کیا ہوا ہم بھی اگر تجھ سے گلا کرتے ہیں

رشتۂ درد کی میراث ملی ہے ہم کو

ہم ترے نام پہ جینے کی خطا کرتے ہیں

jane kya soch ke ham tujh se wafa karte hain

qarz hai pichhle janam ka so ada karte hain

kya hua jam uthate hi bhar aen ankhen

aise tufan to har sham utha karte hain

dil ke zakhmon pe na jao ke bari muddat se

ye diye yun hi sar-e-sham jala karte hain

kaun hai jis ka muqaddar na bani tanhai

kya hua ham bhi agar tujh se gila karte hain

rishta-e-dard ki miras mili hai ham ko

ham tire nam pe jine ki khata karte hain