کیسا جشن بہار ہے اپنا

کیسا جشن بہار ہے اپنا

گل پہ سایہ بھی بار ہے اپنا

سسکیاں لے رہی ہے شام فراق

پھر مجھے انتظار ہے اپنا

عشق کا راگ کس نے چھیڑ دیا

ہر نفس شعلہ بار ہے اپنا

کیا گلہ تیری کم نگاہی سے

کب ہمیں اعتبار ہے اپنا

نیچی نظروں سے پوچھ مت احوال

ضبط غم ہی شعار ہے اپنا

کیا ہوا زندگی نہ راس آئی

موت پر اعتبار ہے اپنا

قیس کو لوگ جب سے بھول گئے

پیرہن تار تار ہے اپنا

kaisa jashn-e-bahar hai apna

gul pe saya bhi bar hai apna

siskiyan le rahi hai sham-e-firaq

phir mujhe intizar hai apna

ishq ka rag kis ne chher diya

har nafas shola bar hai apna

kya gila teri kam nigahi se

kab hamen etibar hai apna

nichi nazron se puchh mat ahwal

zabt-e-gham hi shiar hai apna

kya hua zindagi na ras ai

maut par etibar hai apna

qais ko log jab se bhul gae

pairahan tar tar hai apna