تاب فرقت بھی نہیں ضبط کا یارا بھی نہیں

تاب فرقت بھی نہیں ضبط کا یارا بھی نہیں

اسے گھبرا کے بھلا دیں یہ گوارا بھی نہیں

خود فریبی سے ترا لطف جسے کہہ سکتے

اپنی قسمت میں وہ مبہم سا اشارا بھی نہیں

موج ساحل ہی ڈبو دیتی تو کیا کہنا تھا

وہ سفینہ جسے طوفاں کا سہارا بھی نہیں

وائے تقدیر محبت کبھی آتے جاتے

تو نے دیکھا بھی نہیں ہم نے پکارا بھی نہیں

اتنے مانوس ہیں اب شام کی تنہائی سے

غم کے ماروں کو ترا قرب گوارا بھی نہیں

منحرف تیرے تغافل سے سبھی ہیں لیکن

تیرا غم چھوڑ کے دنیا میں گزارا بھی نہیں

کیا ہوا چشم کرم روٹھ گئی اے ماہرؔ

دل مگر گردش ایام سے ہارا بھی نہیں

tab-e-furqat bhi nahin zabt ka yara bhi nahin

use ghabra ke bhula den ye gawara bhi nahin

khud farebi se tira lutf jise kah sakte

apni qismat mein wo mubham sa ishara bhi nahin

mauj-e-sahil hi dubo deti to kya kahna tha

wo safina jise tufan ka sahara bhi nahin

wae taqdir mohabbat kabhi ate jate

tu ne dekha bhi nahin ham ne pukara bhi nahin

itne manus hain ab sham ki tanhai se

gham ke maron ko tira qurb gawara bhi nahin

munharif tere taghaful se sabhi hain lekin

tera gham chhor ke duniya mein guzara bhi nahin

kya hua chashm-e-karam ruth gai ai mahir

dil magar gardish-e-ayyam se hara bhi nahin