پورب دیس کی یادیں لایا پھر موسم کا تیکھا پن

پورب دیس کی یادیں لایا پھر موسم کا تیکھا پن

مجھ سے پہروں انس کرے ہے تنہائی کا سونا پن

دل کے رنگ محل میں جیسے برسوں کوئی نہ جھانکا ہو

تصویروں کی بے نور آنکھیں شیشہ شیشہ دھندلا پن

کتنی بار لہو رویا ہے کتنی بار جلے ہیں چراغ

کتنے غموں کی آنچ میں نکھرا درد کا میٹھا میٹھا پن

ہم ٹھہرے درویش جنم سے پیار کیا تو آ بیٹھے

ہم سے کیا یہ تیکھی نظریں ہم سے کیا بیگانہ پن

انجانے لوگوں تک پہنچا ذکر تمہاری چاہت کا

گلی گلی مشہور ہوا ہے ماہرؔ کا دیوانہ پن

purab des ki yaden laya phir mausam ka tikha pan

mujh se pahron uns kare hai tanhai ka sona pan

dil ke rang mahal mein jaise barson koi na jhanka ho

taswiron ki be nur ankhen shisha shisha dhundla pan

kitni bar lahu roya hai kitni bar jale hain charagh

kitne ghamon ki anch mein nikhra dard ka mitha mitha pan

ham thahre darwesh janam se pyar kiya to a baithe

ham se kya ye tikhi nazren ham se kya begana pan

anjane logon tak pahuncha zikr tumhari chahat ka

gali gali mashhur hua hai mahir ka diwana pan