لہو نہ آنکھ سے ٹپکا نہ زخم دل ابھرے

لہو نہ آنکھ سے ٹپکا نہ زخم دل ابھرے

بھری بہار کے یہ دن بہت گراں گزرے

وہ پر فریب نگاہیں وہ اعتماد کی موت

نہ جانے ذہن پہ ماضی کے نقش کیوں ابھرے

حسین لمحے مری زندگی کے لوٹا دے

جو آرزو میں کٹے تیری یاد میں گزرے

جنوں نواز نگاہیں ہیں رہ نما اپنی

نہ جانے قافلۂ زندگی کہاں ٹھہرے

سوال ترک وفا تم نے خود اٹھایا تھا

اداس کیوں ہیں نگاہیں یہ بال یوں بکھرے

نہ جانے آج ہی کیوں دل کی نبض ڈوب گئی

ترے دیار سے ہم یوں تو بارہا گزرے

یہی ہے جان محبت یہی شعور وفا

زباں خموش نگاہوں پہ لاج کے پہرے

قدم قدم پہ فسانے بنیں گے اے ماہرؔ

یہاں نہ آنکھ ہی بھیگے نہ منہ کا رنگ اترے

lahu na ankh se tapka na zakhm-e-dil ubhre

bhari bahar ke ye din bahut giran guzre

wo pur fareb nigahen wo etimad ki maut

na jane zehn pe mazi ke naqsh kyun ubhre

hasin lamhe miri zindagi ke lauta de

jo arzu mein kate teri yad mein guzre

junun nawaz nigahen hain rah numa apni

na jane qafila-e-zindagi kahan thahre

sawal-e-tark-e-wafa tum ne khud uthaya tha

udas kyun hain nigahen ye bal yun bikhre

na jane aj hi kyun dil ki nabz dub gai

tire dayar se ham yun to barha guzre

yahi hai jan-e-mohabbat yahi shuur-e-wafa

zaban khamosh nigahon pe laj ke pahre

qadam qadam pe fasane banenge ai mahir

yahan na ankh hi bhige na munh ka rang utre