یہ حادثہ تو ہوا ہی نہیں ہے تیرے بعد

یہ حادثہ تو ہوا ہی نہیں ہے تیرے بعد

ہے پر سکون سمندر کچھ اس طرح دل کا

کہ جیسے چاند کھلا ہی نہیں ہے تیرے بعد

مہکتی رات سے دل سے قلم سے کاغذ سے

کسی سے ربط رکھا ہی نہیں ہے تیرے بعد

خیال خواب فسانے کہانیاں تھیں مگر

وہ خط تجھے بھی لکھا ہی نہیں ہے تیرے بعد

کہاں سے مہکے گی ہونٹوں پہ لمس کی خوشبو

کسی کو میں نے چھوا ہی نہیں ہے تیرے بعد

چراغ پلکوں پہ آذرؔ کسی کی یادوں کا

قسم خدا کی جلا ہی نہیں ہے تیرے بعد

ye hadisa to hua hi nahin hai tere baad

hai pur sukun samundar kuchh is tarah dil ka

ke jaise chand khula hi nahin hai tere baad

mahakti rat se dil se qalam se kaghaz se

kisi se rabt rakha hi nahin hai tere baad

khayal khwab fasane kahaniyan thin magar

wo khat tujhe bhi likha hi nahin hai tere baad

kahan se mahkegi honton pe lams ki khushbu

kisi ko main ne chhua hi nahin hai tere baad

charagh palkon pe azar kisi ki yadon ka

qasam khuda ki jala hi nahin hai tere baad