آنکھ کی پتلی میں سورج سر میں کچھ سودا اگا

آنکھ کی پتلی میں سورج سر میں کچھ سودا اگا

پانیوں میں سرخ پودے دھوپ میں سایا اگا

آسماں کی بھیڑ میں تو اس لیے سوچا گیا

اس زمیں کی چھاتیوں سے نور کا چشمہ اگا

نیند میں چلنے کی عادت خواب میں لکھنے کا فن

ایک جیسی بات ہے تو آتش نغمہ اگا

میں نے اپنی دونوں آنکھوں میں اگائے ہیں پہاڑ

تیری آنکھوں میں سمندر تھا وہاں صحرا اگا

سبزۂ بیگانہ بن کر جی لیا تو کیا جیا

خود کو بو کر اس زمیں سے اک نیا چہرا اگا

دھوپ جیسے قہقہے ہیں ریت جیسی بات ہے

تو اگر غواص ہے تو ریت میں دریا اگا

یہ زمیں بوڑھی ہے اس کو پیٹھ سے اپنی اتار

آسماں کو جیب میں رکھ لے نئی دنیا کا اگا

ہم تو خود اظہار ہیں اپنے زمانے کا متینؔ

بجھ گئے آواز کے شعلے نیا لہجہ اگا

ankh ki putli mein suraj sar mein kuchh sauda uga

paniyon mein surkh paude dhup mein saya uga

asman ki bhir mein to is liye socha gaya

is zamin ki chhatiyon se nur ka chashma uga

nind mein chalne ki adat khwab mein likhne ka fan

ek jaisi bat hai to atish-e-naghma uga

main ne apni donon ankhon mein ugae hain pahar

teri ankhon mein samundar tha wahan sahra uga

sabza-e-begana ban kar ji liya to kya jiya

khud ko bu kar is zamin se ik naya chehra uga

dhup jaise qahqahe hain ret jaisi bat hai

tu agar ghawwas hai to ret mein dariya uga

ye zamin burhi hai us ko pith se apni utar

asman ko jeb mein rakh le nai duniya ka uga

ham to khud izhar hain apne zamane ka matin

bujh gae awaz ke shole naya lahja uga