کوئی منزل نہیں ملتی تو ٹھہر جاتے ہیں

کوئی منزل نہیں ملتی تو ٹھہر جاتے ہیں

اشک آنکھوں میں مسافر کی طرح آتے ہیں

کیوں ترے ہجر کے منظر پہ ستم ڈھاتے ہیں

زخم بھی دیتے ہیں اور خواب بھی دکھلاتے ہیں

ہم بھی ان بچوں کی مانند کوئی پل جی لیں

ایک سکہ جو ہتھیلی پہ سجا لاتے ہیں

یہ تو ہر روز کا معمول ہے حیران ہو کیوں

پیاس ہی پیتے ہیں ہم بھوک ہی ہم کھاتے ہیں

ہر بڑا بچوں کو جینے کی دعا دیتا ہے

ہم بھی شاید اسی ورثے کی سزا پاتے ہیں

صبح لے جاتے ہیں ہم اپنا جنازہ گھر سے

شام کو پھر اسے کاندھوں پہ اٹھا لاتے ہیں

شہر کی بھیڑ میں کیا ہو اسی خاطر آذرؔ

اپنی پہچان کو ہم گھر میں ہی چھوڑ آتے ہیں

koi manzil nahin milti to thahar jate hain

ashk ankhon mein musafir ki tarah ate hain

kyun tire hijr ke manzar pe sitam dhate hain

zakhm bhi dete hain aur khwab bhi dikhlate hain

ham bhi in bachchon ki manind koi pal ji len

ek sikka jo hatheli pe saja late hain

ye to har roz ka maamul hai hairan ho kyun

pyas hi pite hain ham bhuk hi ham khate hain

har bara bachchon ko jine ki dua deta hai

ham bhi shayad isi wirse ki saza pate hain

subh le jate hain ham apna janaza ghar se

sham ko phir use kandhon pe utha late hain

shahr ki bhir mein kya ho isi khatir azar

apni pahchan ko ham ghar mein hi chhor ate hain