آج میں نے اسے نزدیک سے جا دیکھا ہے

آج میں نے اسے نزدیک سے جا دیکھا ہے

وہ دریچہ تو مرے قد سے بہت اونچا ہے

اپنے کمرے کو اندھیروں سے بھرا پایا ہے

تیرے بارے میں کبھی غور سے جب سوچا ہے

ہر تمنا کو روایت کی طرح توڑا ہے

تب کہیں جا کے زمانہ مجھے راس آیا ہے

تم کو شکوہ ہے مرے عہد محبت سے مگر

تم نے پانی پہ کوئی لفظ کبھی لکھا ہے

ایسا بچھڑا کہ ملا ہی نہیں پھر اس کا پتہ

ہائے وہ شخص جو اکثر مجھے یاد آتا ہے

کوئی اس شخص کو اپنا نہیں کہتا آزرؔ

اپنے گھر میں بھی وہ غیروں کی طرح رہتا ہے

aj main ne use nazdik se ja dekha hai

wo daricha to mire qad se bahut uncha hai

apne kamre ko andheron se bhara paya hai

tere bare mein kabhi ghaur se jab socha hai

har tamanna ko riwayat ki tarah tora hai

tab kahin ja ke zamana mujhe ras aya hai

tum ko shikwa hai mire ahd-e-mohabbat se magar

tum ne pani pe koi lafz kabhi likha hai

aisa bichhra ke mila hi nahin phir us ka pata

hae wo shakhs jo aksar mujhe yad ata hai

koi us shakhs ko apna nahin kahta azar

apne ghar mein bhi wo ghairon ki tarah rahta hai