یہ حادثہ بھی ترے شہر میں ہوا ہوگا

یہ حادثہ بھی ترے شہر میں ہوا ہوگا

تمام شہر مجھے ڈھونڈھتا پھرا ہوگا

میں اس خیال سے اکثر اداس رہتا ہوں

کوئی جدائی کی صدیاں گزارتا ہوگا

چلو کہ شہر کی سڑکیں کہیں نہ سو جائیں

اب اس اجاڑ حویلی میں کیا رکھا ہوگا

تمہاری بزم سے نکلے تو ہم نے یہ سوچا

زمیں سے چاند تلک کتنا فاصلہ ہوگا

ذرا سی دیر کو سونے سے فائدہ آزرؔ

تمہیں تو روز اسی طرح جاگنا ہوگا

ye hadisa bhi tire shahr mein hua hoga

tamam shahr mujhe dhundhta phira hoga

main is khayal se aksar udas rahta hun

koi judai ki sadiyan guzarta hoga

chalo ke shahr ki sarken kahin na so jaen

ab is ujar haweli mein kya rakha hoga

tumhari bazm se nikle to ham ne ye socha

zamin se chand talak kitna fasla hoga

zara si der ko sone se faida azar

tumhen to roz isi tarah jagna hoga