جاتے جاتے یہ نشانی دے گیا

جاتے جاتے یہ نشانی دے گیا

وہ مری آنکھوں میں پانی دے گیا

جاگتے لمحوں کی چادر اوڑھ کر

کوئی خوابوں کو جوانی دے گیا

میرے ہاتھوں سے کھلونے چھین کر

مجھ کو زخموں کی کہانی دے گیا

حل نہ تھا مشکل کا کوئی اس کے پاس

صرف وعدے آسمانی دے گیا

خود سے شرمندہ مجھے ہونا پڑا

آئنہ جب میرا ثانی دے گیا

مجھ کو آذرؔ اک فریب آرزو

خوبصورت زندگانی دے گیا

jate jate ye nishani de gaya

wo miri ankhon mein pani de gaya

jagte lamhon ki chadar orh kar

koi khwabon ko jawani de gaya

mere hathon se khilaune chhin kar

mujh ko zakhmon ki kahani de gaya

hal na tha mushkil ka koi us ke pas

sirf waade asmani de gaya

khud se sharminda mujhe hona para

aina jab mera sani de gaya

mujh ko azar ik fareb-e-arzu

khubsurat zindagani de gaya