تم سے راہ و رسم بڑھا کر دیوانے کہلائیں کیوں

تم سے راہ و رسم بڑھا کر دیوانے کہلائیں کیوں

جن گلیوں میں پتھر برسیں ان گلیوں میں جائیں کیوں

ویسے ہی تاریک بہت ہیں لمحے غم کی راتوں کے

پھر میرے خوابوں میں یارو وہ گیسو لہرائیں کیوں

مجبوروں کی اس بستی میں کس سے پوچھیں کون بتائے

اپنا محلہ بھول گئی ہیں بے چاری لیلائیں کیوں

مستقبل سے آس بہت ہے مستقل کیسا بھی ہو

ماضی کس کے کام آیا ہے ماضی کو دہرائیں کیوں

ہاں ہم نے بھی آج کسی کا نازک سا دل توڑا ہے

شہر وفا کی رسم یہی ہے ہم اس پر شرمائیں کیوں

کھڑکی کھڑکی سناٹا ہے چلمن چلمن تنہائی

چاہت کی محفل میں اب ہم نقد دل و جاں لائیں کیوں

وعدوں کے جنگل میں آزرؔ ہم تو برسوں بھٹکے ہیں

آپ کریں کیوں دل پہ بھروسہ آپ یہ دھوکہ کھائیں کیوں

tum se rah-o-rasm barha kar diwane kahlaen kyun

jin galiyon mein patthar barsen un galiyon mein jaen kyun

waise hi tarik bahut hain lamhe gham ki raton ke

phir mere khwabon mein yaro wo gesu lahraen kyun

majburon ki is basti mein kis se puchhen kaun batae

apna mohalla bhul gai hain be chari lilaen kyun

mustaqbil se as bahut hai mustaqil kaisa bhi ho

mazi kis ke kam aya hai mazi ko dohraen kyun

han ham ne bhi aj kisi ka nazuk sa dil tora hai

shahr-e-wafa ki rasm yahi hai ham us par sharmaen kyun

khirki khirki sannata hai chilman chilman tanhai

chahat ki mahfil mein ab ham naqd-e-dil-o-jan laen kyun

waadon ke jangal mein azar ham to barson bhatke hain

ap karen kyun dil pe bharosa ap ye dhoka khaen kyun