دھوپ کا احساس جانے کیوں اسے ہوتا نہیں

دھوپ کا احساس جانے کیوں اسے ہوتا نہیں

وقت آوارہ ہے ٹھنڈی چھاؤں میں ہوتا نہیں

جھوٹ کی دیوار سے لٹکے ہوئے جسموں کے دن

ہو گئے پورے کہ سچ تو شب میں بھی سوتا نہیں

ہم تکا کرتے ہیں کھڑکی سے اترتے چاند کو

دوڑ کر اس کو پکڑ لیں یہ کبھی ہوتا نہیں

دل عجب پتھر ہے پانی سے پگھل جائے کہیں

اور کبھی جو آگ میں رکھ دیجئے روتا نہیں

روشنی پھوٹے قلم کے آنکھ سے کیوں کر متینؔ

آنسوؤں کے بیج دل میں جب کوئی بوتا نہیں

dhup ka ehsas jane kyun use hota nahin

waqt awara hai thandi chhaon mein hota nahin

jhut ki diwar se latke hue jismon ke din

ho gae pure ke sach to shab mein bhi sota nahin

ham taka karte hain khirki se utarte chand ko

daur kar us ko pakar len ye kabhi hota nahin

dil ajab patthar hai pani se pighal jae kahin

aur kabhi jo ag mein rakh dijiye rota nahin

raushni phute qalam ke ankh se kyun kar matin

ansuon ke bij dil mein jab koi bota nahin