ہر آنے جانے والے کا منہ دیکھتا رہا

ہر آنے جانے والے کا منہ دیکھتا رہا

میں رہ گزر پہ زیست کی تنہا کھڑا رہا

اس زندگی نے زخم دئے بارہا مگر

جانے ہر ایک زخم کو کیوں چومتا رہا

چھوڑا ہے آندھیوں نے نہ باقی نشان راہ

پھر بھی میں تیرا نقش قدم ڈھونڈھتا رہا

تنہا نہیں رہا ہوں میں تیرے فراق میں

دل پر تیرے ہی درد کا پہرا لگا رہا

دن کو تو سلسلے تھے غم روزگار کے

شب بھر ترے خیال کا تانتا لگا رہا

یاد حبیبؔ تھی کہ دھندھلکوں میں کھو گئی

دل میں سوائے خاک کے باقی بھی کیا رہا

har ane jane wale ka munh dekhta raha

main rah guzar pe zist ki tanha khara raha

is zindagi ne zakhm diye barha magar

jane har ek zakhm ko kyun chumta raha

chhora hai andhiyon ne na baqi nishan-e-rah

phir bhi main tera naqsh-e-qadam dhundhta raha

tanha nahin raha hun main tere firaq mein

dil par tere hi dard ka pahra laga raha

din ko to silsile the gham-e-rozgar ke

shab bhar tire khayal ka tanta laga raha

yad habib thi ke dhandhalkon mein kho gai

dil mein siwae khak ke baqi bhi kya raha