اپنے حال دل پہ خود ہی مسکرا سکتا ہوں میں

اپنے حال دل پہ خود ہی مسکرا سکتا ہوں میں

کب کسی کے رحم کا احساں اٹھا سکتا ہوں میں

آشیاں کو پھونک سکتی ہے اگرچہ بجلیاں

شاخ گل پر بار بار اس کو بنا سکتا ہوں میں

داستان غم کو کہہ سکتا ہوں صرف اک آہ میں

اور تم چاہو تو افسانہ بنا سکتا ہوں میں

تم اگرچہ بخش سکتے ہو مجھے تنہائیاں

اپنی تنہائی کو بھی محفل بنا سکتا ہوں میں

بے رخی سے توڑ سکتے ہو دل نازک کو تم

اور شکستہ ساز دل پر گنگنا سکتا ہوں میں

ہر قدم پر زیست نے آ کر جھنجھوڑا ہے مجھے

زندگی سے کیا کبھی آنکھیں چرا سکتا ہوں میں

اتنی دیکھی ہیں بہاریں اتنی دیکھی ہے خزاں

اب تو ان کا فرق بھی دل سے مٹا سکتا ہوں میں

تم کو یہ دعویٰ کہ تم ہر انجمن کی جان ہو

زعم ہے مجھ کو کہ ہر محفل پہ چھا سکتا ہو میں

وہ نگاہ لطف گر تجھ کو میسر ہو حبیبؔ

زندگی کو اک نئی منزل پہ لا سکتا ہوں میں

apne hal-e-dil pe khud hi muskura sakta hun main

kab kisi ke rahm ka ehsan utha sakta hun main

ashiyan ko phunk sakti hai agarche bijliyan

shakh-e-gul par bar bar us ko bana sakta hun main

dastan-e-gham ko kah sakta hun sirf ik ah mein

aur tum chaho to afsana bana sakta hun main

tum agarche bakhsh sakte ho mujhe tanhaiyan

apni tanhai ko bhi mahfil bana sakta hun main

be rukhi se tor sakte ho dil-e-nazuk ko tum

aur shikasta saz-e-dil par gunguna sakta hun main

har qadam par zist ne a kar jhinjhora hai mujhe

zindagi se kya kabhi ankhen chura sakta hun main

itni dekhi hain baharen itni dekhi hai khizan

ab to un ka farq bhi dil se mita sakta hun main

tum ko ye daawa ke tum har anjuman ki jan ho

zaam hai mujh ko ke har mahfil pe chha sakta ho main

wo nigah-e-lutf gar tujh ko muyassar ho habib

zindagi ko ik nai manzil pe la sakta hun main