دل کی کشتی تیرے حوالے

دل کی کشتی تیرے حوالے

تیرے سوا اب کون سنبھالے

پیار میں پڑ گئے جان کے لالے

آنکھ میں آنسو پاؤں میں چھالے

کون ہے تیرے دکھ کا ساتھی

اپنی دنیا آپ بسا لے

خوں ہوتی ہے جس کی تمنا

ایسے بھی ہیں جینے والے

دنیاں جنت دنیاں دوزح

جیسے چاہے ویسا بنا لے

رات اور دن میں کیا کیا دیکھا

دل میں اندھیرے دل میں اجالے

اس دنیا کا حاصل یہ ہے

پیار کسی کا دل میں بسا لے

پیار کا یہ دستور نہیں ہے

چپکے چپکے رونے والے

خود ہی اپنے پونچھ لے آنسو

کون حبیبؔ ہے آنے والے

dil ki kashti tere hawale

tere siwa ab kaun sambhale

pyar mein par gae jan ke lale

ankh mein ansu paon mein chhale

kaun hai tere dukh ka sathi

apni duniya ap basa le

khun hoti hai jis ki tamanna

aise bhi hain jine wale

daniyan jannat daniyan dozah

jaise chahe waisa bana le

rat aur din mein kya kya dekha

dil mein andhere dil mein ujale

is duniya ka hasil ye hai

pyar kisi ka dil mein basa le

pyar ka ye dastur nahin hai

chupke chupke rone wale

khud hi apne ponchh le ansu

kaun habib hai ane wale