دنیا سے بے نیاز غزل کہہ رہا ہوں میں

دنیا سے بے نیاز غزل کہہ رہا ہوں میں

قلب و جگر نواز غزل کہہ رہا ہوں میں

اے دل ذرا ٹھہر کہ ہیں صحن چمن میں وہ

محو خرام ناز غزل کہہ رہا ہوں میں

چھلکے ترے جمال کی رنگینیاں کچھ اور

اک ایسی دل نواز غزل کہہ رہا ہوں میں

کرتا ہوں بے نقاب رخ روشن حیات

پردہ کشائے راز غزل کہہ رہا ہوں میں

مستی میں تاکہ گزرے میری شام زندگی

اے میرے کارساز غزل کہہ رہا ہوں میں

ان نازک انگلیوں سے ذرا مسکرا کے چھیڑ

دھیمے سے کوئی ساز غزل کہہ رہا ہوں میں

ساغر بدست آیا ہے ساقی بہار میں

بس ہو چکی نماز غزل کہہ رہا ہوں میں

اس تیر نیم کش کا مزا ہو مجھے عطا

اے چشم نیم باز غزل کہہ رہا ہوں میں

تنہائیوں میں رات کی یاد حبیبؔ نے

چھیڑا ہے دل کا ساز غزل کہہ رہا ہوں میں

duniya se be niyaz ghazal kah raha hun main

qalb-o-jigar nawaz ghazal kah raha hun main

ai dil zara thahar ke hain sehn-e-chaman mein wo

mahw-e-khiram-e-naz ghazal kah raha hun main

chhalke tire jamal ki ranginiyan kuchh aur

ik aisi dil nawaz ghazal kah raha hun main

karta hun be naqab rukh-e-raushan hayat

parda kusha-e-raz ghazal kah raha hun main

masti mein take guzre meri sham-e-zindagi

ai mere karsaz ghazal kah raha hun main

un nazuk ungliyon se zara muskura ke chher

dhime se koi saz ghazal kah raha hun main

saghar badast aya hai saqi-e-bahar mein

bas ho chuki namaz ghazal kah raha hun main

is tir-e-nim kash ka maza ho mujhe ata

ai chashm-e-nim baz ghazal kah raha hun main

tanhaiyon mein rat ki yad-e-habib ne

chhera hai dil ka saz ghazal kah raha hun main