خامشی اجتناب سے پہلے

خامشی اجتناب سے پہلے

اک ستم آفتاب سے پہلے

اتنی جلدی ابھی کہاں پیری

گنہ کر لوں ثواب سے پہلے

اس حسیں چشم کے تصور سے

نشہ آیا شراب سے پہلے

دن ڈھلے آ گئے وہ میرے گھر

دیکھی تعبیر خواب سے پہلے

اتنا بوجھل تھکا ہوا ماحول

ہے سکوں انقلاب سے پہلے

فتنے اٹھے مگر حبیبؔ کہاں

ان کے عہد شباب سے پہلے

khamushi ijtinab se pahle

ik sitam aftab se pahle

itni jaldi abhi kahan piri

gunah kar lun sawab se pahle

is hasin chashm ke tasawwur se

nasha aya sharab se pahle

din dhale a gae wo mere ghar

dekhi taabir khwab se pahle

itna bojhal thaka hua mahaul

hai sukun inqilab se pahle

fitne uthe magar habib kahan

un ke ahd-e-shabab se pahle