کون سی جا ہے جہاں حسن کا شہرا نہ ہوا

کون سی جا ہے جہاں حسن کا شہرا نہ ہوا

عشق بیچارہ کہاں دہر میں رسوا نہ ہوا

عشق دریا ہے کوئی جس کا کنارا نہ ہوا

ناخدا کوئی نہیں کوئی سفینہ نہ ہوا

کیسے احساس ہو محرومیٔ قسمت کا اسے

لذت درد سے جو دل سے شناسا نہ ہوا

ہاتھ اٹھائے جو دعا کو تو تجھے ہی مانگا

یہ تو اللہ سے سودا ہوا سجدہ نہ ہوا

کیوں نہ انجام تمنا سے سنور جائے دل

عشق کی راہ میں کب خون تمنا نہ ہوا

ایک وہ ہیں جو تیری یاد میں رو لیتے ہیں

ہم کو اشکوں کا بھی اس غم میں سہارا نہ ہوا

بے رخی کا ہے گلا کیوں تجھے دلبر سے حبیبؔ

پیار کرنے کا تجھے خود ہی سلیقہ نہ ہوا

kaun si ja hai jahan husn ka shahra na hua

ishq bechara kahan dahr mein ruswa na hua

ishq dariya hai koi jis ka kinara na hua

nakhuda koi nahin koi safina na hua

kaise ehsas ho mahrumi-e-qismat ka use

lazzat-e-dard se jo dil se shanasa na hua

hath uthae jo dua ko to tujhe hi manga

ye to allah se sauda hua sajda na hua

kyun na anjam tamanna se sanwar jae dil

ishq ki rah mein kab khun-e-tamanna na hua

ek wo hain jo teri yad mein ro lete hain

ham ko ashkon ka bhi is gham mein sahara na hua

be rukhi ka hai gila kyun tujhe dilbar se habib

pyar karne ka tujhe khud hi saliqa na hua