اشک غم آنکھوں سے کتنے بہہ گئے

اشک غم آنکھوں سے کتنے بہہ گئے

جو نہ کہنا تھا اسے ہم کہہ گئے

چھٹ کے تجھ سے بے سہارے رہ گئے

زندگی کے سب کنارے بہہ گئے

کوئی انساں سا اسیر غم نہیں

آئی جو سر پر ہمارے سہہ گئے

دیکھ کر دنیا کے یہ طور و طریق

کتنے نغمے گھٹ کے دل میں رہ گئے

پہنچا دیوانہ تو منزل پر مگر

این و آں میں ہم الجھ کر رہ گئے

تیرا غم فکر جہاں تنہائیاں

داغ ہم سینے پہ کیا کیا سہہ گئے

ہجر میں بھی وصل کے آئے مزے

یوں تصور میں ہم ان کے بہہ گئے

کس نے پائی تیری نظروں سے پناہ

دل کو اپنے اب بچاتے رہ گئے

اب جوانی کا وہاں جوش و خروش

اے حبیبؔ اب حوصلے سب ڈھ گئے

ashk-e-gham ankhon se kitne bah gae

jo na kahna tha use ham kah gae

chhut ke tujh se be sahare rah gae

zindagi ke sab kinare bah gae

koi insan sa asir-e-gham nahin

ai jo sar par hamare sah gae

dekh kar duniya ke ye tur-o-tariq

kitne naghme ghut ke dil mein rah gae

pahuncha diwana to manzil par magar

ain-o-an mein ham ulajh kar rah gae

tera gham fikr-e-jahan tanhaiyan

dagh ham sine pe kya kya sah gae

hijr mein bhi wasl ke ae maze

yun tasawwur mein ham un ke bah gae

kis ne pai teri nazron se panah

dil ko apne ab bachate rah gae

ab jawani ka wahan josh-o-kharosh

ai habib ab hausle sab dha gae