آ گئے وہ مرے خیالوں میں

آ گئے وہ مرے خیالوں میں

گھنٹیاں بج اٹھیں شوالوں میں

رات کو چیر کر کرن ابھری

رات گھل مل گئی اجالوں میں

نگۂ شوخ تیری کیا اٹھی

بجلی کوندھی کمل کے تالوں میں

ایک لمحہ خوشی کا کیا کم ہے

زندگی کب ہے ماہ سالوں میں

دیکھ کر پل میں پھول گرتا ہوا

جھرجھری سی ہے حسن والوں میں

حاصل زیست ہے وہی لمحیں

جو کہ گزرے ترے خیالوں میں

جب کیا ذکر بے مثالوں کا

زندگی بس گئی مثالوں میں

مالداروں سے کیا ملے گا حبیبؔ

پائے گا کچھ پریشاں حالوں میں

a gae wo mire khayalon mein

ghantiyan baj uthen shawwalon mein

rat ko chir kar kiran ubhri

rat ghul mil gai ujalon mein

nigah-e-shokh teri kya uthi

bijli kaundhi kamal ke talon mein

ek lamha khushi ka kya kam hai

zindagi kab hai mah salon mein

dekh kar pal mein phul girta hua

jhurjhuri si hai husn walon mein

hasil-e-zist hai wahi lamhin

jo ke guzre tire khayalon mein

jab kiya zikr be misalon ka

zindagi bas gai misalon mein

maldaron se kya milega habib

paega kuchh pareshan halon mein