تمہاری آرزو تم سے کہیں بڑھ کر حسیں نکلی

تمہاری آرزو تم سے کہیں بڑھ کر حسیں نکلی

کہ دنیا کی ہر اک شے سے یہی دل کے قریں نکلی

میں سمجھا یاد بھی ترک تعلق پر تو آئے گی

مگر جب دل ٹٹولا ہے وہیں یہ جاگزیں نکلی

ابھی کچھ اور بھی کھیلو مرے چاہت بھرے دل سے

ابھی بھی زخم کم کم ہیں ابھی حسرت نہیں نکلی

سر محفل کیا رسوا مجھے تیری محبت نے

جھکی جو نام پر تیرے وہ میری ہی جبیں نکلی

نگاہوں نے تجھے ڈھونڈا تجھے دل سے پکارا ہے

نظر آئی نہ جو صورت وہ صورت دل نشیں نکلی

ہے دو ہی دن کی عمر گل مگر زندہ دلی دیکھو

تبسم لب پہ رقصاں ہے فضا ہرگز نہیں نکلی

جہاں پر سرحدیں دیر و حرم کی ختم ہوتی ہیں

وہیں پر نور ایماں ہے وہیں راہ یقیں نکلی

ہماری زندگی دریا کی موج مضطرب سی ہے

کہیں ابھری کہیں مچلی کہیں ڈوبی کہیں نکلی

اٹھا کرتی ہیں موجوں کی طرح ہی حسرتیں دل میں

نئی کتنی ابھر آئیں جو اک حسرت کہیں نکلی

شب فرقت حبیبؔ اپنا نہ کوئی کام کا نکلا

نہ آنسو با اثر نکلے نہ آہ آتشیں نکلی

tumhari arzu tum se kahin barh kar hasin nikli

ke duniya ki har ik shai se yahi dil ke qarin nikli

main samjha yad bhi tark-e-taalluq par to aegi

magar jab dil tatola hai wahin ye jaguzin nikli

abhi kuchh aur bhi khelo mire chahat bhare dil se

abhi bhi zakhm kam kam hain abhi hasrat nahin nikli

sar-e-mahfil kiya ruswa mujhe teri mohabbat ne

jhuki jo nam par tere wo meri hi jabin nikli

nigahon ne tujhe dhunda tujhe dil se pukara hai

nazar ai na jo surat wo surat dil nashin nikli

hai do hi din ki umr-e-gul magar zinda dili dekho

tabassum lab pe raqsan hai faza hargiz nahin nikli

jahan par sarhaden dair-o-haram ki khatm hoti hain

wahin pur nur iman hai wahin rah-e-yaqin nikli

hamari zindagi dariya ki mauj-e-muztarib si hai

kahin ubhri kahin machli kahin dubi kahin nikli

utha karti hain maujon ki tarah hi hasraten dil mein

nai kitni ubhar aen jo ik hasrat kahin nikli

shab-e-furqat habib apna na koi kam ka nikla

na ansu ba asar nikle na ah-e-atishin nikli