گلشن میں ترے حسن کی جب بات چلی ہے

گلشن میں ترے حسن کی جب بات چلی ہے

ٹھہری ہے نظر گل پہ نہ غنچے پہ رکی ہے

رکھتی ہے جگر گرچہ وہ نازک سی کلی ہے

طوفانوں سے کھیلی ہے وہ کانٹوں میں پلی ہے

جو لب پہ نہ آ پائی وہ آنکھوں نے کہی ہے

آنکھیں بھی نہ کہہ پائیں جو وہ دل نے سنی ہے

آ کر ترے در پر مجھے احساس ہوا یہ

بھٹکی ہوئی کشتی مری ساحل سے لگی ہے

کتنے ہی چمن اجڑے ہوئے خاک نشیمن

کیا وقت کی آنکھوں میں کبھی آئی نمی ہے

ایک بوند کو ترسا کوئی ہے پی کے کوئی مست

میخانے کا ساقی ابھی انداز وہی ہے

دیکھا ہے حبیبؔ اس نے جو ایک بار کرم سے

ہر شے مجھے اب پیار سے ہی دیکھ رہی ہے

gulshan mein tire husn ki jab bat chali hai

thahri hai nazar gul pe na ghunche pe ruki hai

rakhti hai jigar garche wo nazuk si kali hai

tufanon se kheli hai wo kanton mein pali hai

jo lab pe na a pai wo ankhon ne kahi hai

ankhen bhi na kah paen jo wo dil ne suni hai

a kar tire dar par mujhe ehsas hua ye

bhatki hui kashti miri sahil se lagi hai

kitne hi chaman ujre hue khak nasheman

kya waqt ki ankhon mein kabhi ai nami hai

ek bund ko tarsa koi hai pi ke koi mast

maikhane ka saqi abhi andaz wahi hai

dekha hai habib us ne jo ek bar karam se

har shai mujhe ab pyar se hi dekh rahi hai