کبھی طویل کبھی مختصر بھی ہوتی ہے

کبھی طویل کبھی مختصر بھی ہوتی ہے

ہر ایک رات کی لیکن سحر بھی ہوتی ہے

مجھے ازل سے ملا ایک تو مزاج جنوں

اور اک ادا تری دیوانہ گر بھی ہوتی ہے

نگاہ یار نے کیا کیا کھلا دئے ہیں گل

وہی رلاتی وہی چارہ گر بھی ہوتی ہے

عتاب دوست بھی کیوں کر عزیز ہو نہ مجھے

کرم کی اس میں چھپی اک نظر بھی ہوتی ہے

حبیبؔ آنکھ سے ٹپکی ہوئی یہ اشک کی بوند

جگر کا خون کبھی یہ گہر بھی ہوتی ہے

kabhi tawil kabhi mukhtasar bhi hoti hai

har ek rat ki lekin sahar bhi hoti hai

mujhe azal se mila ek to mizaj-e-junun

aur ik ada tiri diwana gar bhi hoti hai

nigah-e-yar ne kya kya khula diye hain gul

wahi rulati wahi chara gar bhi hoti hai

itab dost bhi kyun kar aziz ho na mujhe

karam ki is mein chhupi ik nazar bhi hoti hai

habib ankh se tapki hui ye ashk ki bund

jigar ka khun kabhi ye guhar bhi hoti hai