عمر بھر جس کی محبت میں گرفتار رہی

عمر بھر جس کی محبت میں گرفتار رہی

اس کو دیوار کیا خود پس دیوار رہی

آنکھ لگ جائے تو پھر آنکھ کہاں لگتی ہے

میں اگر سو بھی گئی خواب میں بیدار رہی

تیرگی سے مرا سمجھوتہ نہیں ہو سکتا

میں ہمیشہ سے چراغوں کی طرف دار رہی

باغبانوں کو پشیمانی اسی بات کی ہے

میں خزاؤں کے دنوں میں بھی ثمر بار رہی

تو تو کم حوصلہ مت جان مجھے اے دنیا

تجھ سے تو ہر گھڑی میں برسر پیکار رہی

میرے چہرے پہ تبسمؔ کی حقیقت نہ کھلی

میں زمانے کے لئے کتنی پر اسرار رہی

umr bhar jis ki mohabbat mein giraftar rahi

us ko diwar kya khud pas-e-diwar rahi

ankh lag jae to phir ankh kahan lagti hai

main agar so bhi gai khwab mein bedar rahi

tirgi se mira samjhotah nahin ho sakta

main hamesha se charaghon ki taraf dar rahi

baghbanon ko pashemani isi bat ki hai

main khazaon ke dinon mein bhi samar bar rahi

tu to kam hausla mat jan mujhe ai duniya

tujh se to har ghari mein barsar-e-paikar rahi

mere chehre pe tabassum ki haqiqat na khuli

main zamane ke liye kitni pur asrar rahi