اگرچہ سب سے ملے گی تمہاری شہزادی

اگرچہ سب سے ملے گی تمہاری شہزادی

مگر تمہاری رہے گی تمہاری شہزادی

جو دیکھ لو گے ذرا مسکرا کے تم مجھ کو

غضب کے شعر کہے گی تمہاری شہزادی

شب وصال اگر ہو نصیب شہزادے

تو بن کے پھول کھلے گی تمہاری شہزادی

تمہارے سامنے تم پر جو شعر کہتی ہے

مشاعروں میں پڑھے گی تمہاری شہزادی

جو روؤ گے تو تبسمؔ بھی ساتھ روئے گی

ہنساؤ گے تو ہنسے گی تمہاری شہزادی

agarche sab se milegi tumhari shahzadi

magar tumhari rahegi tumhari shahzadi

jo dekh loge zara muskura ke tum mujh ko

ghazab ke sher kahegi tumhari shahzadi

shab-e-wisal agar ho nasib shahzade

tu ban ke phul khulegi tumhari shahzadi

tumhare samne tum par jo sher kahti hai

mushaaron mein parhegi tumhari shahzadi

jo rooge to tabassum bhi sath ru-e-gi

hansaoge to hansegi tumhari shahzadi