خواہش وصل تو بیکار نہیں کر سکتا

خواہش وصل تو بیکار نہیں کر سکتا

وہ مری دید سے انکار نہیں کر سکتا

ایک میں ہوں کہ تجھے پیار بہت کرتی ہوں

ایک تو ہے کہ یہ اقرار نہیں کر سکتا

وقت سے آگے نکلنے کی تمنا ہے مجھے

تیز تو پاؤں کی رفتار نہیں کر سکتا

تو مرے پیار میں دعوے تو بہت کرتا ہے

برملا پیار کا اظہار نہیں کر سکتا

کچھ بھی کر سکتا ہے لیکن وہ مرا دشمن جاں

پیٹھ پیچھے وہ کبھی وار نہیں کر سکتا

دیکھ سوہنی کی طرح تجھ کو بھی دے گا یہ دغا

یہ گھڑا تجھ کو ندی پار نہیں کر سکتا

جو مجھے روز یہ کہتا ہے تبسمؔ ہے مری

وہ مرا دامن دل تار نہیں کر سکتا

khwahish-e-wasl to bekar nahin kar sakta

wo miri did se inkar nahin kar sakta

ek main hun ke tujhe pyar bahut karti hun

ek to hai ke ye iqrar nahin kar sakta

waqt se age nikalne ki tamanna hai mujhe

tez to paon ki raftar nahin kar sakta

tu mire pyar mein daawe to bahut karta hai

barmala pyar ka izhar nahin kar sakta

kuchh bhi kar sakta hai lekin wo mira dushman-e-jan

pith pichhe wo kabhi war nahin kar sakta

dekh sohani ki tarah tujh ko bhi dega ye dagha

ye ghara tujh ko nadi par nahin kar sakta

jo mujhe roz ye kahta hai tabassum hai miri

wo mira daman-e-dil tar nahin kar sakta