سر پہ اب سائباں نہیں پیارے

سر پہ اب سائباں نہیں پیارے

سو کہیں بھی اماں نہیں پیارے

کون دیتا ہے یہ صدائیں اگر

اپنا کوئی وہاں نہیں پیارے

منزل عشق ہو نصیب نہ ہو

یہ سفر رائیگاں نہیں پیارے

نہ رہا خود پہ اعتبار مجھے

تجھ سے تو بد گماں نہیں پیارے

کار دل ہے سو اس لئے اس میں

فکر سود و زیاں نہیں پیارے

sar pe ab saiban nahin pyare

so kahin bhi aman nahin pyare

kaun deta hai ye sadaen agar

apna koi wahan nahin pyare

manzil-e-ishq ho nasib na ho

ye safar raigan nahin pyare

na raha khud pe etibar mujhe

tujh se to bad guman nahin pyare

kar dil hai so is liye is mein

fikr sud-o-ziyan nahin pyare