وہ چنگاریوں کو ہوا دے گیا

وہ چنگاریوں کو ہوا دے گیا

سمندر تھا لیکن یہ کیا دے گیا

میں جلتے چراغوں کی سانسوں میں ہوں

کوئی جاگنے کی دعا دے گیا

شکاری بڑا شعبدہ‌ باز تھا

پرندوں کو اک آئنہ دے گیا

میں مقطع پہ پہنچا تو وہ رو پڑا

مجھے شاعری کا صلہ دے گیا

بڑی دھوپ تھی گھر کے باہر متینؔ

مگر وہ شجر آسرا دے گیا

wo chingariyon ko hua de gaya

samundar tha lekin ye kya de gaya

main jalte charaghon ki sanson mein hun

koi jagne ki dua de gaya

shikari bara shobada baz tha

parindon ko ik aina de gaya

main maqtaa pe pahuncha to wo ro para

mujhe shayari ka sila de gaya

bari dhup thi ghar ke bahar matin

magar wo shajar asra de gaya