یہاں سے چاروں طرف راستے نکلتے ہیں

یہاں سے چاروں طرف راستے نکلتے ہیں

ٹھہر ٹھہر کے ہم اس خواب سے نکلتے ہیں

کسی کسی کو ہے تہذیب دشت آرائی

کئی تو خاک اڑاتے ہوئے نکلتے ہیں

یہاں رواج ہے زندہ جلا دیے جائیں

وہ لوگ جن کے گھروں سے دیے نکلتے ہیں

عجیب دشت ہے دل بھی جہاں سے جاتے ہوئے

وہ خوش ہیں جیسے کسی باغ سے نکلتے ہیں

یہ لوگ سو رہے ہوں گے جبھی تو آج تلک

ظروف خاک سے خوابوں بھرے نکلتے ہیں

ستارے دیکھ کے خوش ہوں کہ روز میری طرح

جو کھو گئے ہیں انہیں ڈھونڈنے نکلتے ہیں

yahan se charon taraf raste nikalte hain

thahar thahar ke ham is khwab se nikalte hain

kisi kisi ko hai tahzib-e-dasht arai

kai to khak urate hue nikalte hain

yahan riwaj hai zinda jala diye jaen

wo log jin ke gharon se diye nikalte hain

ajib dasht hai dil bhi jahan se jate hue

wo khush hain jaise kisi bagh se nikalte hain

ye log so rahe honge jabhi to aj talak

zuruf khak se khwabon bhare nikalte hain

sitare dekh ke khush hun ke roz meri tarah

jo kho gae hain unhen dhundne nikalte hain