راحت کونین وصل جسم و جاں سمجھا تھا میں

راحت کونین وصل جسم و جاں سمجھا تھا میں

زندگی کو سود مرنے کو زیاں سمجھا تھا میں

اک جمال غیر فانی کی وہ دیتی تھی خبر

اپنی ہستی کو فقط وہم و گماں سمجھا تھا میں

داغ دل کو دیکھ کر شرما گئے جنت کے پھول

حیف اس کو اک متاع رائیگاں سمجھا تھا میں

اس کے انداز بیاں پر گفتگو قرباں ہوئی

اپنی خاموشی کو یا رب بے زباں سمجھا تھا میں

کچھ بگولے رقص کرتے آئے صحرا میں نظر

گرد کو ان کی غبار کارواں سمجھا تھا میں

پھول تھا خونیں جگر کاوش سے نوک خار کی

اس کو اک جام شراب ارغواں سمجھا تھا میں

عمر بھر کھاتا رہا افسوس دولت کا فریب

جسم کے آرام کو آرام جاں سمجھا تھا میں

شدت رنج و الم تھی ضامن لطف حیات

واے نادانی کہ اس کو جاں ستاں سمجھا تھا میں

rahat-e-kaunain wasl-e-jism-o-jan samjha tha main

zindagi ko sud marne ko ziyan samjha tha main

ik jamal-e-ghair fani ki wo deti thi khabar

apni hasti ko faqat wahm-o-guman samjha tha main

dagh-e-dil ko dekh kar sharma gae jannat ke phul

haif us ko ik mata-e-raigan samjha tha main

us ke andaz-e-bayan par guftugu qurban hui

apni khamoshi ko ya rab be zaban samjha tha main

kuchh bagule raqs karte ae sahra mein nazar

gard ko un ki ghubar-e-karwan samjha tha main

phul tha khunin jigar kawish se nok-e-khar ki

us ko ik jam-e-sharab arghawan samjha tha main

umr bhar khata raha afsos daulat ka fareb

jism ke aram ko aram-e-jan samjha tha main

shiddat-e-ranj-o-alam thi zamin lutf-e-hayat

wae nadani ke us ko jan sitan samjha tha main