فرط الم سے آہ کئے جا رہا ہوں میں

فرط الم سے آہ کئے جا رہا ہوں میں

اے عشق کیا گناہ کیے جا رہا ہوں میں

مقبول ہوں گے دہر میں داغ جگر مرے

ان کو چراغ راہ کیے جا رہا ہوں میں

رنج و الم کا لطف اٹھانے کے واسطے

راحت سے بھی نباہ کیے جا رہا ہوں میں

گلزار کامرانی و دنیائے آرزو

اعمال سے تباہ کیے جا رہا ہوں میں

مجھ کو عطا ہوا تھا دل آئنہ جمال

صد حیف اسے سیاہ کیے جا رہا ہوں میں

غم کہہ رہا ہے کون ہے مجھے سے سوا عزیز

سب کے دلوں میں راہ کیے جا رہا ہوں میں

fart-e-alam se ah kiye ja raha hun main

ai ishq kya gunah kiye ja raha hun main

maqbul honge dahr mein dagh-e-jigar mire

un ko charagh-e-rah kiye ja raha hun main

ranj-o-alam ka lutf uthane ke waste

rahat se bhi nibah kiye ja raha hun main

gulzar-e-kamrani-o-duniya-e-arzu

aamal se tabah kiye ja raha hun main

mujh ko ata hua tha dil-e-aina jamal

sad haif use siyah kiye ja raha hun main

gham kah raha hai kaun hai mujhe se siwa aziz

sab ke dilon mein rah kiye ja raha hun main