کہتا یہی غبار سر رہ گزار ہے

کہتا یہی غبار سر رہ گزار ہے

لینا قدم ہر اک کے ہمارا شعار ہے

ہیں دفن اس میں عہد جوانی کی حسرتیں

پہلو میں دل نہیں ہے ہمارے مزار ہے

کانٹے تڑپ رہے ہیں انہیں پوچھتا ہے کون

گل کے لیے ہی باغ میں فصل بہار ہے

دل کو بقدر شوق نہ راحت ملی نہ غم

تقدیر میں غریب کی گل ہے نہ خار ہے

اشک وفا سے گرد کدورت نہ دھل سکی

یعنی تمہارے دل میں ابھی تک غبار ہے

kahta yahi ghubar-e-sar-e-rah guzar hai

lena qadam har ik ke hamara shiar hai

hain dafn is mein ahd-e-jawani ki hasraten

pahlu mein dil nahin hai hamare mazar hai

kante tarap rahe hain unhen puchhta hai kaun

gul ke liye hi bagh mein fasl-e-bahar hai

dil ko baqadr-e-shauq na rahat mili na gham

taqdir mein gharib ki gul hai na khar hai

ashk-e-wafa se gard-e-kudurat na dhul saki

yaani tumhare dil mein abhi tak ghubar hai