بیاں جب کلیمؔ اپنی حالت کرے ہے

بیاں جب کلیمؔ اپنی حالت کرے ہے

بھلا آدمی تھا پہ نادان نکلا

سنا ہے کسی سے محبت کرے ہے

کبھی شاعری اس کو کرنی نہ آتی

اسی بے وفا کی بدولت کرے ہے

چھری پر چھری کھائے جائے ہے کب سے

اور اب تک جئے ہے کرامت کرے ہے

کرے ہے عداوت بھی وہ اس ادا سے

لگے ہے کہ جیسے محبت کرے ہے

یہ فتنے جو ہر اک طرف اٹھ رہے ہیں

وہی بیٹھا بیٹھا شرارت کرے ہے

قبا ایک دن چاک اس کی بھی ہوگی

جنوں کب کسی کی رعایت کرے ہے

bayan jab kalim apni halat kare hai

bhala admi tha pe nadan nikla

suna hai kisi se mohabbat kare hai

kabhi shayari us ko karni na ati

usi be wafa ki badaulat kare hai

chhuri par chhuri khae jae hai kab se

aur ab tak jiye hai karamat kare hai

kare hai adawat bhi wo is ada se

lage hai ke jaise mohabbat kare hai

ye fitne jo har ik taraf uth rahe hain

wahi baitha baitha shararat kare hai

qaba ek din chak us ki bhi hogi

junun kab kisi ki riayat kare hai