تجھے کلیمؔ کوئی کیسے خوش کلام کہے

تجھے کلیمؔ کوئی کیسے خوش کلام کہے

جو دن کو رات بتائے سحر کو شام کہے

پئے بغیر کہو تو یہ تشنہ کام کہے

وہ راز مے جو صراحی کہے نہ جام کہے

نہ جانے روٹھ کے بیٹھا ہے دل کا چین کہاں

ملے تو اس کو ہمارا کوئی سلام کہے

کہوں جو برہمن و شیخ سے حقیقت عشق

خدا خدا یہ پکارے وہ رام رام کہے

میں غم کی راگنی بے وقت بھی اگر چھیڑوں

زبان وقت مجھے وقت کا امام کہے

tujhe kalim koi kaise khush kalam kahe

jo din ko rat batae sahar ko sham kahe

piye baghair kaho to ye tishna kam kahe

wo raz-e-mai jo surahi kahe na jam kahe

na jane ruth ke baitha hai dil ka chain kahan

mile to us ko hamara koi salam kahe

kahun jo barahman-o-shaikh se haqiqat ishq

khuda khuda ye pukare wo ram ram kahe

main gham ki ragni be waqt bhi agar chherun

zaban-e-waqt mujhe waqt ka imam kahe