امتحان شوق میں ثابت قدم ہوتا نہیں

امتحان شوق میں ثابت قدم ہوتا نہیں

عشق جب تک واقف آداب غم ہوتا نہیں

ان کی خاطر سے کبھی ہم مسکرا اٹھے تو کیا

مسکرا لینے سے دل کا درد کم ہوتا نہیں

جو ستم ہم پر ہے اس کی نوعیت کچھ اور ہے

ورنہ کس پر آج دنیا میں ستم ہوتا نہیں

تم جہاں ہو بزم بھی ہے شمع بھی پروانہ بھی

ہم جہاں ہوتے ہیں یہ ساماں بہم ہوتا نہیں

رات بھر ہوتی ہیں کیا کیا انجمن آرائیاں

شمع کا کوئی شریک صبح غم ہوتا نہیں

مانگتا ہے ہم سے ساقی قطرے قطرے کا حساب

غیر سے کوئی حساب بیش و کم ہوتا نہیں

imtihan-e-shauq mein sabit qadam hota nahin

ishq jab tak waqif-e-adab-e-gham hota nahin

un ki khatir se kabhi ham muskura uthe to kya

muskura lene se dil ka dard kam hota nahin

jo sitam ham par hai us ki nauiyyat kuchh aur hai

warna kis par aj duniya mein sitam hota nahin

tum jahan ho bazm bhi hai shama bhi parwana bhi

ham jahan hote hain ye saman baham hota nahin

rat bhar hoti hain kya kya anjuman araiyan

shama ka koi sharik-e-subh-e-gham hota nahin

mangta hai ham se saqi qatre qatre ka hisab

ghair se koi hisab-e-besh-o-kam hota nahin