وقت کے در پر بھی ہے بہت کچھ وقت کے در سے آگے بھی

وقت کے در پر بھی ہے بہت کچھ وقت کے در سے آگے بھی

شام و سحر کے ساتھ بھی چلئے شام و سحر سے آگے بھی

عقل و خرد کے ہنگاموں میں شوق کا دامن چھوٹ نہ جائے

شوق بشر کو لے جاتا ہے عقل بشر سے آگے بھی

دار و رسن کی ریشہ داوانی گردن و سر تک رہتی ہے

اہل جنوں کا پاؤں رہا ہے گردن و سر سے آگے بھی

میرے گھر کو آگ لگا کر ہم سایوں کو ہنسنے دو

شعلے بڑھ کر جا پہنچیں گے میرے گھر سے آگے بھی

عشق نے راہ وفا سمجھائی سمجھانے کے بعد کہا

وقت پڑا تو جانا ہوگا راہ گزر سے آگے بھی

شاعر فکر و نظر کا مالک دل کا سلطاں گھر کا فقیر

دنیا کا پامال قدم بھی دنیا بھر سے آگے بھی

آنکھیں جو کچھ دیکھ رہی ہیں اس سے دھوکا کھائیں کیا

دل تو عاجزؔ دیکھ رہا ہے حد نظر سے آگے بھی

waqt ke dar par bhi hai bahut kuchh waqt ke dar se age bhi

sham-o-sahar ke sath bhi chaliye sham-o-sahar se age bhi

aql-o-khirad ke hangamon mein shauq ka daman chhut na jae

shauq bashar ko le jata hai aql bashar se age bhi

dar-o-rasan ki resha daoani gardan-o-sar tak rahti hai

ahl-e-junun ka paon raha hai gardan-o-sar se age bhi

mere ghar ko ag laga kar ham sayon ko hansne do

shole barh kar ja pahunchenge mere ghar se age bhi

ishq ne rah-e-wafa samjhai samjhane ke baad kaha

waqt para to jana hoga rah guzar se age bhi

shayar fikr-o-nazar ka malik dil ka sultan ghar ka faqir

duniya ka pamal qadam bhi duniya bhar se age bhi

ankhen jo kuchh dekh rahi hain us se dhoka khaen kya

dil to ajiz dekh raha hai had nazar se age bhi