یہ ستم کی محفل ناز ہے کلیمؔ اس کو اور سجائے جا

یہ ستم کی محفل ناز ہے کلیمؔ اس کو اور سجائے جا

وہ دکھائیں رقص ستم گری تو غزل کا ساز بجائے جا

جو اکڑ کے شان سے جائے ہے پیار سے یہ بتائے جا

کہ بلندیوں کی ہے آرزو تو دلوں میں پہلے سمائے جا

وہ جو زخم دیں سو قبول ہے ترے واسطے وہی پھول ہے

یہی اہل دل کا اصول ہے وہ رلائے جائیں تو گائے جا

ترا سیدھا سا وہ بیان ہے تری ٹوٹی پھوٹی زبان ہے

ترے پاس ہیں یہی ٹھیکرے تو محل انہیں سے بنائے جا

وہ جفا شعار و ستم ادا تو سخن طراز و غزل سرا

وہ تمام کانٹے اگائیں گے تو تمام پھول کھلائے جا

کوئی لاکھ زہرہ جبین ہے جسے چاہیں ہم وہ حسین ہے

کلیمؔ اس سراپا غرور کو ذرا آئنہ تو دکھائے جا

ye sitam ki mahfil-e-naz hai kalim us ko aur sajae ja

wo dikhaen raqs-e-sitam giri to ghazal ka saz bajae ja

jo akkar ke shan se jae hai pyar se ye batae ja

ke bulandiyon ki hai arzu to dilon mein pahle sama-e-ja

wo jo zakhm den so qubul hai tire waste wahi phul hai

yahi ahl-e-dil ka usul hai wo rulae jaen to gae ja

tira sidha sa wo bayan hai tiri tuti phuti zaban hai

tire pas hain yahi thikre to mahal unhen se banae ja

wo jafa shiar-o-sitam ada to sukhan taraz-o-ghazal sara

wo tamam kante ugaenge to tamam phul khilae ja

koi lakh zohra jabin hai jise chahen ham wo hasin hai

kalim is sarapa ghurur ko zara aina to dikhae ja