نظر کو آئنہ دل کو ترا شانہ بنا دیں گے

نظر کو آئنہ دل کو ترا شانہ بنا دیں گے

تجھے ہم کیا سے کیا اے زلف جانانہ بنا دیں گے

ہمیں اچھا ہے بن جائیں سراپا سرگزشت اپنی

نہیں تو لوگ جو چاہیں گے افسانہ بنا دیں گے

امید ایسی نہ تھی محفل کے ارباب بصیرت سے

گناہ شمع کو بھی جرم پروانہ بنا دیں گے

ہمیں تو فکر دل سازی کی ہے دل ہے تو دنیا ہے

صنم پہلے بنا دیں پھر صنم خانہ بنا دیں گے

نہ اتنا چھیڑ کر اے وقت دیوانہ بنا ہم کو

ہوئے دیوانے ہم تو سب کو دیوانہ بنا دیں گے

نہ جانے کتنے دل بن جائیں گے اک دل کے ٹکڑے سے

وہ توڑیں آئنہ ہم آئنہ خانہ بنا دیں گے

nazar ko aina dil ko tira shana bana denge

tujhe ham kya se kya ai zulf-e-janana bana denge

hamen achchha hai ban jaen sarapa sarguzasht apni

nahin to log jo chahenge afsana bana denge

ummid aisi na thi mahfil ke arbab-e-basirat se

gunah-e-shama ko bhi jurm-e-parwana bana denge

hamen to fikr-e-dil sazi ki hai dil hai to duniya hai

sanam pahle bana den phir sanam khana bana denge

na itna chher kar ai waqt-e-diwana bana ham ko

hue diwane ham to sab ko diwana bana denge

na jane kitne dil ban jaenge ik dil ke tukre se

wo toren aina ham aina khana bana denge