جہاں غم ملا اٹھایا پھر اسے غزل میں ڈھالا

جہاں غم ملا اٹھایا پھر اسے غزل میں ڈھالا

یہی درد سر خریدا یہی روگ ہم نے پالا

ترے ہاتھ سے ملی ہے مجھے آنسوؤں کی مالا

تری زلف ہو دوگونہ ترا حسن ہو دوبالا

یہ سماں اسے دکھاؤں صبا جا اسے بلا لا

نہ بہار ہے نہ ساقی نہ شراب ہے نہ پیالا

مرے درد کی حقیقت کوئی میرے دل سے پوچھے

یہ چراغ وہ ہے جس سے مرے گھر میں ہے اجالا

اسے انجمن مبارک مجھے فکر و فن مبارک

یہی میرا تخت زریں یہیں میری مرگ چھالا

jahan gham mila uthaya phir use ghazal mein dhala

yahi dard-e-sar kharida yahi rog ham ne pala

tire hath se mili hai mujhe ansuon ki mala

tiri zulf ho doguna tira husn ho dobala

ye saman use dikhaun saba ja use bala la

na bahar hai na saqi na sharab hai na piyala

mire dard ki haqiqat koi mere dil se puchhe

ye charagh wo hai jis se mire ghar mein hai ujala

use anjuman mubarak mujhe fikr-o-fan mubarak

yahi mera takht zarrin yahin meri marg chhala