بدلی سی اپنی آنکھوں میں چھائی ہوئی سی ہے

بدلی سی اپنی آنکھوں میں چھائی ہوئی سی ہے

بھولی ہوئی سی یاد پھر آئی ہوئی سی ہے

مت ہاتھ رکھ سلگتے کلیجے پہ ہم نشیں

یہ آگ دیکھنے میں بجھائی ہوئی سی ہے

لیتا ہوں سانس بھی تو بھٹکتا ہے تن بدن

رگ رگ میں ایک نوک سمائی ہوئی سی ہے

بے ساختہ کہے ہے جو دیکھے ہے زخم دل

یہ چوٹ تو انہیں کی لگائی ہوئی سی ہے

مدت ہوئی جلائی گئی شاخ آشیاں

اب تک اسی طرح سے جلائی ہوئی سی ہے

جو ان کی بات ہے وہی میری غزل کی بات

لیکن ذرا یہ بات بنائی ہوئی سی ہے

چھیڑی غزل جو تم نے تو ایسا لگا کلیمؔ

خوشبو کسی کی زلف کی آئی ہوئی سی ہے

badli si apni ankhon mein chhai hui si hai

bhuli hui si yad phir ai hui si hai

mat hath rakh sulagte kaleje pe ham nashin

ye ag dekhne mein bujhai hui si hai

leta hun sans bhi to bhatakta hai tan badan

rag rag mein ek nok samai hui si hai

be sakhta kahe hai jo dekhe hai zakhm-e-dil

ye chot to unhen ki lagai hui si hai

muddat hui jalai gai shakh-e-ashiyan

ab tak isi tarah se jalai hui si hai

jo un ki bat hai wahi meri ghazal ki bat

lekin zara ye bat banai hui si hai

chheri ghazal jo tum ne to aisa laga kalim

khushbu kisi ki zulf ki ai hui si hai