رہے دھوپ میں خشک شجر کی طرح

رہے دھوپ میں خشک شجر کی طرح

پئے درد بھی راہ گزر کی طرح

کبھی موڑ کبھی ہے نشیب و فراز

کہ ہے زندگی ایک سفر کی طرح

نہ تو پیکر نور نہ پیکر تار

رہے آدمی ایک بشر کی طرح

جو غروب ہو شمس سمیٹ لے چاند

ہو طلوع کبھی تو سحر کی طرح

رہے آگ میں بھی کبھی پھول بنے

رہے برف میں بھی تو شرر کی طرح

کھلے دشت میں ایک گلاب کی مثل

پھلے باغ میں میٹھے ثمر کی طرح

کبھی کوہ گراں سے رہے نہ ہراس

جو اٹھے بھی تو گام ظفرؔ کی طرح

rahe dhup mein khushk shajar ki tarah

piye dard bhi rah guzar ki tarah

kabhi mor kabhi hai nasheb-o-faraz

ke hai zindagi ek safar ki tarah

na to paikar nur na paikar tar

rahe admi ek bashar ki tarah

jo ghurub ho shams samet le chand

ho tulu kabhi to sahar ki tarah

rahe ag mein bhi kabhi phul bane

rahe barf mein bhi to sharar ki tarah

khule dasht mein ek gulab ki misl

phale bagh mein mithe samar ki tarah

kabhi koh-e-giran se rahe na hiras

jo uthe bhi to gam zafar ki tarah