مری مستی کے افسانے رہیں گے

مری مستی کے افسانے رہیں گے

جہاں گردش میں پیمانے رہیں گے

نکالے جائیں گے اہل محبت

اب اس محفل میں بیگانے رہیں گے

یہی انداز مے نوشی رہے گا

تو یہ شیشے نہ پیمانے رہیں گے

رہے گا سلسلہ دار و رسن کا

جہاں دو چار دیوانے رہیں گے

جنہیں گلشن میں ٹھکرایا گیا ہے

انہی پھولوں کے افسانے رہیں گے

خرد زنجیر پہناتی رہے گی

جو دیوانے ہیں دیوانے رہیں گے

miri masti ke afsane rahenge

jahan gardish mein paimane rahenge

nikale jaenge ahl-e-mohabbat

ab is mahfil mein begane rahenge

yahi andaz-e-mai noshi rahega

to ye shishe na paimane rahenge

rahega silsila dar-o-rasan ka

jahan do char diwane rahenge

jinhen gulshan mein thukraya gaya hai

unhi phulon ke afsane rahenge

khirad zanjir pahnati rahegi

jo diwane hain diwane rahenge