پھول کا پیکر زمیں

پھول کا پیکر زمیں

اور کبھی پتھر زمیں

ہو رہا ہوں خون خون

ہے لئے خنجر زمیں

دے دیا سارا لہو

پھر بھی ہے بنجر زمیں

رکھ دے موتی کی جگہ

ہاتھ میں کنکر زمیں

سر کے نیچے آسماں

پاؤں کے اوپر زمیں

فصل گل بوئی ہوئی

لے گئی منظر زمیں

ہر قدم پر ہے لئے

اک نہ اک محشر زمیں

پھڑپھڑاہٹ ہے بہت

چھوڑ دے شہ پر زمیں

میرا بھی بدلا مزاج

تیرا بھی تیور زمیں

phul ka paikar zamin

aur kabhi patthar zamin

ho raha hun khun khun

hai liye khanjar zamin

de diya sara lahu

phir bhi hai banjar zamin

rakh de moti ki jagah

hath mein kankar zamin

sar ke niche asman

paon ke upar zamin

fasl-e-gul boi hui

le gai manzar zamin

har qadam par hai liye

ik na ik mahshar zamin

pharpharahat hai bahut

chhor de shah par zamin

mera bhi badla mizaj

tera bhi tewar zamin