دھڑکتا جاتا ہے دل مسکرانے والوں کا

دھڑکتا جاتا ہے دل مسکرانے والوں کا

اٹھا نہیں ہے ابھی اعتبار نالوں کا

یہ مختصر سی ہے روداد صبح مے خانہ

زمیں پہ ڈھیر تھا ٹوٹے ہوئے پیالوں کا

یہ خوف ہے کہ صبا لڑکھڑا کے گر نہ پڑے

پیام لے کے چلی ہے شکستہ حالوں کا

نہ آئیں اہل خرد وادئ جنوں کی طرف

یہاں گزر نہیں دامن بچانے والوں کا

لپٹ لپٹ کے گلے مل رہے تھے خنجر سے

بڑے غضب کا کلیجہ تھا مرنے والوں کا

dharakta jata hai dil muskurane walon ka

utha nahin hai abhi etibar nalon ka

ye mukhtasar si hai rudad subh mai khana

zamin pe dher tha tute hue pyalon ka

ye khauf hai ke saba larkhara ke gar na pare

payam le ke chali hai shikasta halon ka

na aen ahl-e-khirad wadi-e-junun ki taraf

yahan guzar nahin daman bachane walon ka

lipat lipat ke gale mil rahe the khanjar se

bare ghazab ka kaleja tha marne walon ka