Arooz is now on the App Store, for iPhone and iPad. Download →

All poetry

یہ آنسو بے سبب جاری نہیں ہے

Kaleem Aajiz (1926–2015)

یہ آنسو بے سبب جاری نہیں ہے

مجھے رونے کی بیماری نہیں ہے

نہ پوچھو زخم ہائے دل کا عالم

چمن میں ایسی گل کاری نہیں ہے

بہت دشوار سمجھانا ہے غم کا

سمجھ لینے میں دشواری نہیں ہے

مزاج تلخ گفتاری نہیں ہے

چمن میں کیوں چلوں کانٹوں سے بچ کر

یہ آئین وفاداری نہیں ہے

وہ آئیں قتل کو جس روز چاہیں

یہاں کس روز تیاری نہیں ہے