زخم کھا کے مسکرانا آ گیا

زخم کھا کے مسکرانا آ گیا

وصف یہ بھی شاعرانہ آ گیا

طاقچے میں اک دعا رکھی گئی

اک دیے کو سر چھپانا آ گیا

پھول تازہ ہی سہی گلدان میں

درد کمرے میں پرانا آ گیا

دیکھ لو چپ چاپ اٹھ کے چل دیے

دیکھ لو رشتہ نبھانا آ گیا

دیکھیے یہ نجمؔ کوچہ ہے وہی

دیکھیے صاحب ٹھکانہ آ گیا

zakhm kha ke muskurana a gaya

wasf ye bhi shayarana a gaya

taqche mein ik dua rakhi gai

ik diye ko sar chhupana a gaya

phul taza hi sahi guldan mein

dard kamre mein purana a gaya

dekh lo chup chap uth ke chal diye

dekh lo rishta nibhana a gaya

dekhiye ye najm kucha hai wahi

dekhiye sahab thikana a gaya