درد بخشا گیا ہے سہنے کو

درد بخشا گیا ہے سہنے کو

کیسی دنیا ملی ہے رہنے کو

قافیہ تنگ ہے اگرچہ میاں

اشک کافی ہیں حال کہنے کو

اتنی اچھی نہیں ہے در بدری

سینہ حاضر ہے تیرے رہنے کو

حسب سابق وہ کہہ نہیں پائے

ہم گئے تھے جو بات کہنے کو

نجمؔ قائم ہے ضبط بھی لیکن

اشک بپھرے ہوئے ہیں بہنے کو

dard bakhsha gaya hai sahne ko

kaisi duniya mili hai rahne ko

qafiya tang hai agarche miyan

ashk kafi hain hal kahne ko

itni achchhi nahin hai dar badri

sina hazir hai tere rahne ko

hasb sabiq wo kah nahin pae

ham gae the jo bat kahne ko

najm qaim hai zabt bhi lekin

ashk biphre hue hain bahne ko