بعد مدت کے ہجر سا دینا

بعد مدت کے ہجر سا دینا

میرے ہاتھوں میں آئنہ دینا

اچھا لگتا ہے اس زمانے کو

بعد مرنے کے بت بنا دینا

جی یہ توہین ہے چراغوں کی

رات باقی ہو اور بجھا دینا

کینوس پر بہار اترے گی

آپ کچھ تتلیاں بنا دینا

مشورہ ہے کہ ہم جئے جائیں

کتنا آساں ہے مشورہ دینا

زندگی نجمؔ خواب جیسی ہے

لطف آنے لگے جگا دینا

baad muddat ke hijr sa dena

mere hathon mein aina dena

achchha lagta hai is zamane ko

baad marne ke but bana dena

ji ye tauhin hai charaghon ki

rat baqi ho aur bujha dena

kainwas pur bahar utregi

ap kuchh titliyan bana dena

mashwara hai ke ham jiye jaen

kitna asan hai mashwara dena

zindagi najm khwab jaisi hai

lutf ane lage jaga dena